Борокуруордар 1700-тэн тахса бэтэринээрийэ үлэһитин үлэҕэ бырааптара кэһиллибитин буллулар

Бэрэбиэркэ хамнаһы, уоппусканы уонна бүтэһиктээх төлөбүрү төлүүргэ хойутатыы тахсыбытын, үлэ харыстабылын салайар систиэмэни оҥоруу уонна үлэлэтии олохтоммотоҕун, үлэ усулуобуйатын анал сыаналааһынын ыытыы, ирдэнэр мэдиссиинискэй чинчийиилэри (диспансеризация) тэрийии оҥоһуллубатаҕын, тус харыстанар тэриллэринэн хааччыллыбатахтарын булбут.

Өрөспүүбүлүкэ борокуратуурата СӨ Бэтэринээрийэ управлениетын салайааччытыгар үҥсүү түһэрбит, РФ Административнай быраабы кэһиилэр тустарынан кодекс 5.31 ыстатыйатын 1 чааһынан дьыаланы тэрийбит, үлэ ис быраабылаларын утаран, бырачыас таһаарбыт.

Куорат уонна оройуон борокуруордара бэтэринээрийэ салайааччыларыгар 33 үҥсүүнү түһэрдилэр, РФ административнай быраабы кэһии туһунан кодексын 5.27 уонна 5.27.1 ыстатыйаларынан 77 дьыаланы тэрийдилэр.

Борокуруор аакталара көрүллэ уонна хонтуруоллана сылдьаллар, диэн иһитиннэрэр СӨ Борокуратууратын телеграм-саайта.