Хаартыска: экология министиэристибэтэ
Мэҥэ Хаҥалас улууһугар оптоволоконнай кабельга муоһуттан иилистибит тайаҕы кыайан быыһаабатылар. Бу тайахтан сылтаан, биир күн интэриниэт улаханнык мөлтүү сылдьыбыта. Бу туһунан экология, айылҕаны туһаныы, ойуур хаһаайыстыбатын министиэристибэтэ иһитиннэрэр.
Исписэлиистэр суһал бөлөхтөрө иһитиннэриини тутаат да, тута тайах баар сиригэр барбыттара. Бөлөххө РАН Сибиирдээҕи салаатын Биологическай кыһалҕаларын институтун научнай үлэһиттэрэ эмиэ бааллара. Тайаҕы утутан баран, боруобаттан босхолоон, туругун көрөн-истэн баран, тыаҕа ыытар былааннаахтар этэ. Ол эрээри, тайах улахан эчэйиилэри ылан, кинилэр тиийбиттэрин кэннэ, тыына быстыбыта.
Министиэристибэ бу быһылаан түбэлтэтинэн бэрэбиэркэни ыытыаҕа, ол түмүгүнэн административнай быраабы кэһии боротокуола толоруллуоҕа диэн ЯСИА суруйар. Инникитин сокуонунан көрүллүбүт хоромньуну толуйуу боппуруоһа көрүллүөҕэ.
Бу кэмҥэ тайахтар сүүлэр кэмнэрэ. Сэрэхтээх буолары умнан, суолга, нэһилиэнньэлээх пууннарга тахсыахтарын сөп. Ол да иһин, кэнники кэмҥэ тайахтары көрбүт, устубут түгэннэрэ элбэх.
Экология министиэристибэтэ сэрэтэр: кыыл, көтөр иэдээҥҥэ түбэһэн, куотар, көмүскэнэр кыаҕа суох буолбут түбэлтэтигэр, бултаһар бобуллар.
Түөкүттэр Арассыыйа олохтоохторун саҥа ньыманан албынныыр буолбуттар – бырааска суруйтарабыт диэн тус дааннайдарын ылаллар диэн…
Бэҕэһээ, тохсунньу 26 күнүгэр, Дьокуускай куоракка арыгы иһэн баран уруулга олорбут суоппар суол быһылаанын таһаарда. …
Саха норуотун биир киэн туттар киһитэ Алексей Андреевич Иванов-Күндэ өр сыллар тухары 1898 сыллаахха төрөөбүтэ…
Дьокуускай куоракка массыынаттан түөрт көлүөһэни уорбуттарынан РФ Холуобунай кодексын 158 ыст. 2 чааһынан холуобунай дьыала…
Тиихэй акыйаантан сылаас салгын салгыы кэлэн, Саха сирин киин, илин өттүн сылытыаҕа. Нэдиэлэтээҕи күн-дьыл туругун…
Ил Дархан Айсен Николаев СӨ баайга-дуолга уонна сир сыһыаннаһыыларыгар миниистирэ Павел Багынановы кытары көрүстэ. 2025…