Босхо диспансеризацияҕа субуотаҕа эмиэ сылдьыахха сөп

Саха сирин олохтоохторо олорор сирдэринэн поликлиникаларыгар босхо диспансеризацияны бэйэлэригэр табыгастаах бириэмэҕэ, ол иһигэр субуотаҕа, ааһыахтарын сөп. Ол туһунан СӨ Доруобуйа харыстабылын министиэристибэтэ иһитиннэрдэ.

Диспансеризацияны барыы кэмэ  киһи сааһыттан тутулуктаах: 18-39 саастаахтар – 3 сылга биирдэ, 40 саастарын ааспыттар  сыл аайы барыахтаахтар. Диспансеризация  ыарыы үөскүүр кутталын сэрэтэргэ уонна эрдэ булан эмтэнэргэ туһалыыр.

Диспансеризацияҕа суруйтарарга хас да көрүҥ баар:

• -122 нүөмэринэн Биир кэлим колл-кииҥҥэ эрийиэххэ;
• -“Судаарыстыбаннай өҥөлөр”  порталынан туһаныахха эбэтэр быһа поликлиника регистратуратыгар суруйтарыахха сөп.

Поликлиникаҕа пааспардаах уонна БМС полистаах кэлиллэр. Ыарыыны сэрэтэр дьаһаллар РФ бэрэсидьиэнэ Владимир Путин көҕүлээбит “Уһун уонна көхтөөх олох” национальнай бырайыагын  чэрчитинэн олоххо киллэриллэллэр.

Ыарыыны эрдэ быһаарыы онкология, сүрэх-тымыр уонна эндокринология, тыҥа уо.д.а. ыарыылары көдьүүстээхтик эмтииргэ төһүү буолар.