Босхо путевка туһунан сымыйа сурах тарҕанна

Бу күннэргэ социальнай ситимҥэ аҕам саастаах дьон  Дьокуускай куорат Гериатрическай киинигэр босхо путевканан туһаныахтарын сөбүн туһунан иһитиннэрии тарҕанна.

Босхо путевканан тыыл, үлэ бэтэрээннэрэ, үлэлээбэт биэнсийэлээхтэр туһаныахтарын сөбүн туһунан иһитиннэрии ыыттылар. Онуоха РКБ №3 Гериатрическай киинэ социальнай ситимҥэ сымыйа   иһитиннэрии тарҕаммытын туһунан СӨ Доруобуйа харыстабылын министиэристибэтин телеграм ханаалыгар таһаарда.

— Госпитализация былаан быһыытынан оройуоннааҕы киин балыыһалар, куорат  поликлиникаларын нөҥүө барар. Онон, чугас дьоҥҥутугар, аймахтаргытыгар олоҕо суох сурах социальнай ситимҥэ тарҕанна диэн сэрэтиҥ, — диэн эбэн эттилэр.