Мария Васильева хаартыската, СИА.
Саха сиригэр элбэх оҕолоох дьиэ кэргэттэр ылар босхо учаастактарын оннугар, 2023 сылтан 200 тыһыынча солкуобайы биэрэр буолбуттара. Быйыл бу төлөбүрү үрдэтэр былааннаахтар. Дьэ, төһөнөн үрдэтэллэр?
Сыл аайы сир, учаастак сыаната эмиэ үрдүү турар буоллаҕа. Онон быйыл бу төлөбүрү 100 тыһыынча солкуобайынан үрдэтэр былаан баар диэн үлэ, социальнай сайдыы министиэристибэтэ иһитиннэрэр.
Бүгүҥҥү күҥҥэ Ил Дархан сорудаҕынан, бырабыыталыстыба быһаарыныытын бырайыага бэлэмнэннэ, ол чэрчитинэн, босхо сир учаастагыттан аккаастанар дьиэ кэргэн 300 тыһыынча солкуобайы уу харчынан уурдаран ылыан сөп.
Маны тэҥэ, бу төлөбүрү туһаныы хайысхалара эбиллэн, кэҥээтилэр.
Үлэ, социальнай сайдыы министиэристибэтэ иһитиннэрбитинэн, 2023 сылтан 3113 ыал бу төлөбүрү ылан, туһаммыт.
Босхо сир учаастага үстэн элбэх оҕолоох дьиэ кэргэттэргэ бэриллэр, ол эрээри, уһун уочараттаах. Сорохтор уочарат кэлэрин кэтэһэ сатаабакка, харчынан ылалларын ордороллор. Ол эрээри, бу харчыны ипотеканы төлүүргэ, дьиэни атыылаһарга уонна туттарга эрэ ыытар көҥүллэнэр. Быйылгыттан бу хайысха кэҥиэхтээх.
2025 сылга “Саха Өрөспүүбүлүкэтигэр судаарыстыбаннай уонна официальнай тыллары харыстааһын уонна сайыннарыы” эрэгийиэннээҕи бырагыраама тэрээһиннэрин олоххо…
Саха сиригэр Нэһилиэнньэ дьарыктаах буолуутугар судаарыстыбаннай кэмитиэт үлэтин чэрчитинэн, байыаннай дьайыы 880-тан тахса кыттыылааҕа уонна…
Кэлиҥҥи кэмҥэ ордук кыһыҥҥы өттүгэр, массыына умайыыта элбээтэ. ЫБММ Саха сиринээҕи кылаабынай управлениета иһитиннэрбитинэн, олунньу…
Таатта улууһугар быйыл Манчаары спортивнай оонньуулара ыытыллар буолан, улуус киинигэр Ытык Күөлгэ уонна чугастааҕы нэһилиэктэргэ…
Бүгүн, олунньу 11 күнүгэр, "Кыайыы Знамята" эстэпиэтэ Горнай улууһугар тиийдэ. Бу туһунан Ил Дархан Айсен…
Ааспыт нэдиэлэҕэ Арассыыйа Судаарыстыбаннай сэбиэтин үс хамыыһыйатын мунньаҕа буолан ааста. Самара губернатора Вячеслав Федорищев бэрэссэдээтэллээх…