Босхо юридическай көмөнү Национальнай гвардия сулууспалааччылара туһаныахтара

Муус устар 23 күнүгэр Ил Түмэн алтыс (уочараттаах) пленарнай мунньаҕар Саха сиригэр босхо юридическай көмөнү оҥоруу сокуонугар уларыытылары киллэрэр туһунан сокуон барылын бигэргэттилэр.

Мантан инньэ Саха сиригэр босхо юридическай көмөнү Саха Өрөспүүбүлүкэтин киһи быраабыгар боломуочунайа эмиэ оҥорор буолуоҕа. Ону кытта босхо юридическай көмөнү оҥорор судаарыстыбаннай тиһигин кыттыылаахтара  гражданнарга аһаҕас сирдэргэ, сонуну киэҥник тарҕатар ситимнэргэ, куйаар ситимигэр таһаарар эбэтэр нэһилиэнньэҕэ атын ньыманан тиэрдэр иһитиннэриилэрин кэрискэтэ кэҥиир. Ити сэргэ босхо юридическай көмөнү ылар бырааптаах гражданнар категорияларыгар  дойду Национальнай гвардиятын войскатыгар соруктарын толороллоругар баҕа өттүнэн  хантараагы баттаспыт гражданнар киириэхтэрэ.