Хаартыска СӨ Бырабыыталыстыбатын пресс-сулууспатыттан
РФ Госдууматын дьокутаата Галина Данчикова пленарнай нэдиэлэ түмүктэрин таһаарда уонна ордук дьоһун суолталаах сокуон барылларын бэлиэтээтэ.
Ирбэт тоҥ оройуоннарыгар судаарыстыбаннай фоновай кэтээн көрүү ситимин олохтуохтара. Бу дьон олорор уонна бырамыысыланнас түөлбэтигэр саахал тахсарын сэрэтиэҕэ.
Сокуоҥҥа “груннар, “өр сыллаах ирбэт тоҥ туруга”, “ирбэт тоҥ араҥатын деградацията”, “ирбэт тоҥ туругун судаарыстыбаннай фоновай кэтээн көрүү” диэн өйдөбүллэри киллэриэхтэрэ.
Босхо юридическай көмөнү ылар бырааптаах дьон аны кинилэр интэриэстэрин сууттарга, судаарыстыба уонна муниципальнай уорганнарга көмүскүүргэ нотариус дэбиэринэһин босхо ылыахтара.
Босхо юридическай көмөнү кыаммат-түгэммэт дьон, Социалистическай Үлэ дьоруойдара, РФ Үлэ Дьоруойдара, инбэлиит-оҕолор, төрөппүт көрүүтэ суох хаалбыт оҕолор уонна гражданнар атын да категориялара туһаныахтара.
Оскуолаҕа үлэнэн иитэр туһунан сокуон барылын бастакы ааҕыыта ааста. Үөрэх тэрилтэлэрэ баҕа өттүнэн уонна волонтерскай үлэҕэ көмөлөһүөхтэрэ. Билигин туһанылла сылдьар сокуонтан үөрэнээччилэри төрөппүт көҥүлэ суох кытыннарыыны бобор нуорманы тохтотуохтара.
“Суолунан сырыыга куттал суох буолуутун туһунан” сокуоҥҥа көннөрүүлэри киллэрдилэр. Ол быһыытынан, тырааныспары ыытыыга быраабы ылар эксээмэни, бырааптара быһыллыбыт, итирик туруктаах эбэтэр медсибидиэтэлистибэни ааспатах дьоҥҥо бобуохтара.
Бастакы ааҕыга элбэх кыбартыыралаах дьиэлэргэ сибээс оператордарын оборудованиетын туруорууга биир кэлим быраабыла киирэр сокуон барыла ылылынна. Билигин элбэх кыбартыыралаах дьиэлэргэ бэйэлэрин оборудованиеларын туруоралларыгар дьиэни бас билээччилэр уопсай мунньаҕынан өйөбүллэрэ уонна уопсай баайы-дуолу туһаныыга төлөбүр туһунан дуогабары түһэрсэллэрэ наада этэ.
Сокуон барылынан сибээс ситимин ханнык баҕарар бас билээччи баҕатынан уопсай мунньах быһаарыыта суох босхо туруоруохтара (размещение).
Сокуон көҕүлээһинэ 2024 сыл ахсынньы 31 күнүгэр диэри судаарыстыбаннай уонна муниципальнай баай-дуол эбийиэктэригэр инфраструктураны туруоруу дуогабарынан төлөбүрү үрдэтиигэ мораторий олохтонор. Көннөрүүлэр ылылыннахтарына оператордар элбэх кыбартыыралаах дьиэҕэ бэйэлэрин оборудованиеларын туох да бюрократията суох уонна олоччу босхо туруоруохтара.
“Почта баан” АУо уустук суоллаах-иистээх Үөһээ Халыма Нелемнэй, Кэбээйи Сииттэ сэлиэнньэлэригэр “түннүктэрин” аһалларыгар болҕомтону туһаайдым. Бу сэлиэнньэлэр баччааҥа диэри үп-харчы өҥөтүнэн туһанар кыахтара суох”, —— диэтэ Галина Данчикова, РФ Сударыстыбаннай Дууматын дьокутаата.
Бүгүн, ыам ыйын 12 күнүгэр, Саха сирин сорох улуустарыгар +15 кыраадыс буолара күүтүллэр диэн УГМС…
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…