Босхо юридическэй көмө киинэ аһылынна
![](https://sakha-sire.ru/wp-content/uploads/2023/06/yuri.jpg)
Дьокуускайга босхо юридическэй көмө киинэ аһылынна. Киин аһыллыытыгар Адвокатскай балаата, «Мин докумуоннарым» киин уонна былаас уорганнара, тустаах тэрилтэлэр кыттыгастаахтар.
2011 сылтан 324 №-дээх федеральнай сокуон чэрчитинэн, босхо юридическэй көмө сэрии, тыыл бэтэрээннэригэр, инбэлииттэргэ, тулаайах оҕолорго, элбэх оҕолоох ыалларга, кыаммат дьоҥҥо, барыта 20 категориянан оҥоһуллар. Быйылгыттан анал байыаннай дьайыы кыттыылаахтара уонна дьиэ кэргэттэрэ эбилиннилэр.
Былаас уорганнарын уонна Элбэх өҥөнү оҥорор киин юридическэй көмөлөрүн таһынан, Адвокатскай балаата адвокаттарын өҥөлөрө эмиэ киирэр. Кинилэр суукка үлэлэһиэхтэрин сөп.
2022 сыллаахха барыта 20-тэн тахса тыһыынча босхо өҥө оҥоһуллубут. Оттон быйыл өҥөнү ылыы өссө эбиллибит — бу сыл бастакы кыбаарталыгар номноуо 4244 киһи кэлэн, босхо сүбэни-аманы ылбыт.
Сообщить об опечатке
Текст, который будет отправлен нашим редакторам: