Босхо юридическэй көмө күнэ ыытыллыаҕа

Сэтинньи 17 күнүгэр СӨ Идэлээх сойуустарын федерацията ыытар идэлээх сойуустар үлэһиттэрин күнүгэр анаммыт дэкээдэ чэрчитинэн, Босхо юридическэй көмө күнэ ыытыллыаҕа.

Бу күн ким баҕарар кэлэн, босхо юридическэй көмөнү ылыан сөп.

Үлэ быраабын хайдах көмүскүөххэ? Сарбыйыыга түбэспит буоллахха, тугу гынабыт? Биэнсийэни, социальнай төлөбүрдэри, чэпчэтиилэри, мэдиссиинискэй уонна социальнай страховканы хайдах оҥорторобут?

Мантан да атын ыйытыыларга юристар хоруйдуохтара, сүбэлиэхтэрэ. Онон мунаара сылдьар боппуруостаах буоллаххына, кэлэн, кэпсэт, сүбэлэттэр.

Сэтинньи 17 күнүгэр сарсыарда 11 чаастан 16 чааска диэри Курашов уулуссатын 24 №-гэр баар Уопсастыбаннай киин 2-с этээһин фойетыгар буолуоҕа.