Бразилияны кытта хотугу эрэгийиэннэргэ бииргэ үлэлэһиигэ консультация ааста

Арассыыйа Бэрэсидьиэнигэр үлэлиир СӨ Бастайааннай бэрэстэбиитэлистибэ иһинэн хотугу эрэгийиэннэргэ научнай уонна технологическай бииргэ үлэлээһиннэри сайыннарыыга российскай-бразильскай консультациялар ыытылыннылар.

Тэрээһиҥҥэ Арассыыйа МИД-ын ураты сорудахтарын толорор посола Николай Корчунов, Бразилия Наука уонна технология министиэристибэтин боппуруостарыгар эппиэттиир статс-сэкиритээр Марсия Барбоза кытыннылар. Ону кытта Арктикатааҕы уонна антарктическай бырайыактарынан дьарыктанар Арассыыйатааҕы научнай тэрилтэлэрин бэрэстэбиитэллэрэ кыттыыны ыллылар.

Улахан болҕомто Саха сиригэр ыытыллар үлэлэргэ ууруллунна.

«Хоту: туруктаах сайдыы территорията» Научнай үөрэх киинин эрэгийиэннэр икки ардыларынааҕы бырайыагын салайааччыта Евгений Колганов НОЦ чэрчитинэн олоххо киллэриллэр технологическай бырайыактар тустарынан иһитиннэрдэ. Саха Өрөспүүбүлүкэтин Бастайааннай бэрэстэбиитэлистибэтин салаатын салайааччыта Александр Климентьев «Тикси» Арктика научнай- чинчийэр ыстаансыйатын бырайыагын туһунан кэпсээтэ.

Сиһилии бу тэрээһин туһунан манна ааҕыахха сөп.