Мария Васильева хаартыскаҕа түһэриитэ
Сарсын, кулун тутар 26 күнүттэн, Дьокуускайга «Кыайыы 50 сыла» успуорт дыбарыаһыгар брейк үҥкүүтүгэр өрөспүүбүлүкэ чөмпүйэнээтэ (The North Battle 2023) саҕаланыа.
2024 сылтан ыла бу көрүҥҥэ устуоруйаҕа аан бастаан олимпийскай оонньуу күрэхтэһиитэ буолуоҕа.
Сарсын чөмпүйэнээккэ биирдиилээн уонна хамаанданан күрэхтэһиэхтэрэ. Манна өрөспүүбүлүкэ саамай күүстээх брейкердэрэ күөн көрсүһүөхтэрэ.
Күнүс 3 чаастан биир бииргэ, үс үскэ диэн баттллар буолуохтара. Манна 7-тэн саҕалаан 18-гар диэри саастаах оҕолорго уонна эдэр дьоҥҥо уолаттар, кыргыттар диэн араас бөлөххө арахсан күрэхтэһиэхтэрэ. Улахан дьон туспа күөн көрсүөхтэрэ.
Судьуйалар Архангельскайтан Барс Бармин, Дьокуускайтан Иван Форвин, Вертак, диджейинэн Санкт-Петербуртан Легионер уонна Дьокуускайтан Луни үлэлиэхтэрэ. Күрэхтэһиини Джаззи ЧП иилээн-саҕалаан ыытыаҕа. Киэһэ бүтэһик финал баттллара уонна ол түмүгүнэн наҕараадалааһын үөрүүлээх сиэрэ-туома буолуоҕа.
Кэлэн күрэхтэһиини көрүҥ, саҥа олимпийскай көрүҥү сэҥээриҥ! Киириитэ босхо.
Кэлиҥҥи сылларга ахсынньы биллэ сылаас буолбутун бары бэлиэтии көрөбүт. Сороҕор ол сылыйбытын мэлдьэһэр курдук кулун…
Ханнык баҕарар тэрилтэҕэ күһүн кэлэр сыллааҕы уоппуска кыраапыгын оҥороллор. Дойду Бырабыыталыстыбата кэлэр сыллааҕы үлэ күнүн…
Бэҕэһээ, ахсынньы 21 күнүгэр, Дьокуускай куоракка олорор «Ыаллыылар» бөлөҕү Сунтаар улууһун араас нэһилиэктэриттэн төрүттээх, Хатас…
Кэлиҥҥи кэмҥэ саха тэлэбиидэнньэтигэр бээтинсэ аайы көрөөччүнү аралдьытар, киһини сынньатар, уоскутар, сэргэхситэр айылгылаах “Уонна...” биэрии…
Билигин электрогенерация биэс улахан эбийиэгэ тутуллар диэн Ил Дархан Айсен Николаев иһитиннэрдэ. Бу Ленскэйгэ тутулла…
Илин эҥэрдээҕи диализнай киин арыллыытын былааннаатыбыт диэн Мэҥэ Хаҥалас улууһун баһылыга Дмитрий Тихонов иһитиннэрдэ. -…