РИА-сонуннара
Атырдьах ыйын 22-24 күннэригэр Соҕуруу Африка Өрөспүүбүлүкэтигэр Бразилия, Арассыыйа, Индия, Кытай уонна Соҕуруу Африка Өрөспүүбүлүкэтин түмсүүлэрин саммита буола турар. Быйылгы саммикка түмсүү састаабын кэҥэтии биир сүрүн боппуруос быһыытынан турда.
Бу түмсүү 2006 сыллаахха Санкт-Петербурдааҕы экэниэмикэ форумун кэмигэр тэриллибитэ. Холбоһугу тэрийэр туһунан докумуоҥҥа икки акыйааны ситимниир дойдулар, Бразилия, Арассыыйа, Индия уонна Кытай Народнай Өрөспүүбүлүкэтин, миниистирдэрэ илии баттаабыттара. Холбоһук мунньаҕа бастаан миниистирдэр таһымнарыгар ыытыллар этэ, билигин үлэтин хайысхата кэҥээн, дойду салайааччылара бэйэлэринэн кытталлар. 2010 сыллаахха түмсүүгэ Соҕуруу Африка Өрөспүүбүлүкэтэ киирбитэ. Онон ити сылтан бэттэх түмсүүгэ биэс судаарыстыба күүстэрин холбоон үлэлээн кэллэ.
Быйылгы мунньахха БРИКС экэнэмиичэскэй састаабыгар өссө 23 дойду киириэҕин баҕарарын туһунан иһитиннэрдэ. Ол курдук, Алжир, Аргентина, Бангладеш, Бахрейн, Белоруссия, Боливия, Куба, Египет, Эфиопия, Гондурас, Индонезия, Иран, Казахстан, Кувейт, Марокко, Нигерия, Палестина, Саудовскай Аравия, Сенегал, Таиланд, Араб Эмираттарын Холбоһуга, Венесуэла уонна Вьетнам бэйэлэрин күүстэрин холбуохтара. БРИКС чилиэннэрэ бары бу дойдулары БРИКС састаабыгар ылары утарбаттарын иһитиннэрдилэр.
Арассыыйа дэлэгээссийэтин бу саммикка РФ тас дойдуларын дьыалаларыгар миниистир Сергей Лавров иилээн-саҕалаан илдьэ сылдьар. Дойду аҕа баһылыга Владимир Путин видео-сибээһинэн кыттыыны ылла.
Хатаска ССРС успуордун маастарын А.В. Мокрощупов бирииһигэр тустууга күрэх буолан ааста. Бииргэ төрөөбүттэр курдук быстыспат…
Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтин кэлэктиибэ, Саҥа дьылы көрсө байыаннай…
Борокуратуура ирдэбилин түмүгэр Саха сирин бүддьүөтүгэр 1,5 мөл. солкуобай төннөрүлүннэ. Горнай оройуонун борокуратуурата өрөспүүбүлүкэ борокуратууратын…
ИДьМ сулууспатын 2 №-дээх полициятын отделын дьуһуурунай чааһыгар балыыһаттан Дьокуускай куорат олохтооҕо төбөтүн эчэтэн, балыыһаҕа…
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…