РФ бэрэсидьиэнин пресс-сулууспата
БРИКС быйылгы саммитын түмүгүнэн, уон үс дойду бииргэ үлэлэһии (страны-партнеры) статуһун ылла. Ол эбэтэр быйылгыттан саҕалаан бу судаарыстыбалар түмсүү атыыга-тутууга, экэниэмикэҕэ ыытар үлэтигэр быһаччы кыттыһан барыахтара.
Быйылгы БРИКС саммита Татарстаҥҥа Казань куоракка алтынньы 22-24 күннэригэр ыытылынна. Мунньахха, эрдэ этиллибитин курдук, түмсүүнү кытары үлэлэһиэн баҕалаах судаарыстыбаларга улахан болҕомто уурулунна. Дойдубут аҕа баһылыга Владимир Путин түмсүү дьыалабыай көрсүһүүтүгэр БРИКС-ка отуттан тахса дойду кыттыһан үлэлэһиэн баҕарарын туһунан иһитиннэрэр турар.
Бу дойдулартан саммит кэмигэр уонтан тахса судаарыстыба боппуруоһа көрүллүбүтэ. Мунньах түмүгүнэн кинилэргэ түмсүүнү кытары бииргэ үлэлэһэр дойдулар статустара бэрилиннэ. Ол курдук, Казахстан, Узбекистан, Белоруссия, Турция, Алжир, Боливия, Куба, Индонезия, Малайзия, Нигерия, Уганда, Таиланд уонна Вьетнам түмсүүнү кытары сыһыаннарын өссө чиҥэтэн биэриэхтэрэ.
Владимир Путин саммиты түмүктүүр пресс-конференцияҕа иһитиннэрбитинэн, дойдулар бу статустары ылыылара тэрээһин биир бэлиэ түгэнинэн буолла.
— Казань куоракка буолбут саммикка барыта 35 дойду кытынна. Түмсүүнү кэҥэтии боппуруоһугар бастакы түһүмэх быһыытынан бииргэ үлэлэһэр дойдулар статустарын киллэрии туһунан эрдэ сүбэлэһэн турабыт. Бу үлэбит чэрчитинэн быйылгы саммикка түмсүүнү кытары быһаччы үлэлэһэр дойдулар испииһэктэрин бигэргэттибит, — диэн этэр кини.
Сыл аайы ыытыллар «Профориентация-2026» эрэгийиэннээҕи икки ардыларынааҕы дьаарбаҥка уонна үөрэх, үлэ миэстэтин уонна идэ кыахтарын…
Киин куоракка Аҕа дойду Дьоруойдарын күнүн көрсө, байыаннай дьайыы бэтэрээннэригэр уонна кыттыылаахтарыгар аналлаах III Өрөспүүбүлүкэтээҕи…
Чурапчы улууһун борокуратуурата коррупцияны утары охсуһар сокуону хайдах тутуһулларын бэрэбиэркэлээтэ. Түмүгэр олохтоох дьаһалта тэрийбит «Маарыкчаан»…
Ааспыт нэдиэлэҕэ Дьокуускайга буолбут биэс суол быһылааныгар сэттэ киһи, ол иһигэр биэс оҕо эчэйбиттэр. Бу…
Арассыыйа бэрэсидьиэнин Владимир Путин «Кремль. Новости» диэн официальнай ханаала MАХ мессенджэргэ биир бастакынан мөлүйүөнтэн тахса…
Ааспыт өрөбүл күннэргэ Дьокуускай биэс олохтооҕо түөкүттэргэ түбэспиттэрин туһунан полицияҕа сайабылыанньа суруйбуттар. Бу туһунан ИДьМ…