Хаартыска: Чэмэлиинэ Скрябина тиксэриитэ.
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта!
«Бриллианты Якутии» Саха Өрөспүүбүлүкэтигэр биллиилээх үҥкүү тыйаатыра буолар, манна салайааччыларынан Арассыыйа уонна Саха сирин үтүөлээх артыыстара Афанасий уонна Зоя Соловьевтар үлэлииллэр. Оҕолору бөлөхтөргө арааран (4 сааһыттан 16-гар диэри), классическай уонна норуот үҥкүүлэригэр, фольклорга, ырыаҕа уонна артыыс маастарыстыбатыгар үөрэтэллэр.
Афанасий Соловьев, тыйаатыр салайааччыта:
-Хас биирдии туруоруу — саха норуотун үгэһин уонна аныгы кэм тыынын ситимниир көстүү буолар. Сүрүннээн саха норуотун төрүт үҥкүүлэрин, фольклорун, аан дойду норуоттарын үҥкүүлэрин уонна музыкальнай испэктээктэри туруорабыт. Сана сылга кырыымпа салаатын арыйан, оркестр тэрийэр былааннаахпыт. Тыйаатыр Саха сирин култууратын Арассыыйа үрдүнэн уонна тас дойдуларга (Европа, Азия) чиэстээхтик билиһиннэрэр. Норуоттар икки ардыларынааҕы элбэх бэстибээллэр уонна куонкурустар кыайыылаахтара буолар.
Хореограф Айталина Унарова үрдүк маастарыстыбатын уонна оҕолору үөрэтиигэ айар тыыннаах сыһыанын төрөппүттэр үрдүктүк сыаналыыллар.
Ньургуйаана Алексеева-Сон, төрөппүт:
— Мин оҕом 5 саастаах, бу күһүҥҥүттэн дьарыктанар. Оҕо кыра сааһыттан сахатын норуотун төрүт үҥкүүтүн, фольклорун уонна сиэрин-туомун кытта билсиэхтээх диэн кэлбиппит. Оҕом эт-хаан өттүнэн сайдан иһэрэ тута көстөр. Манна оҕо көнөтүк тутта сылдьарыгар, тулуурдаах, хамсаныыта имигэс буоларыгар көмөлөһөллөр. Эппиэтинэскэ, бэрээдэккэ үөрэтэллэр. Саха үҥкүүтүн эйгэтигэр «Бриллианты Якутии» тыйаатыр биир саамай чаҕылхай сулуһунан буолар.
Үҥкүүгэ тапталынан кынаттанан, айар куттаах Соловьевтар дьиэ кэргэн хас биирдии оҕоҕо төрүт тылыгар, култууратыгар тапталы, киэн туттууну иҥэрэллэр. Оҕону эт-хаан өттүнэн эрэ сайыннарбакка, сахалыы тыыннаах, олоххо ситиһиилээх уонна ис култууралаах киһи гына иитэн таһаарар сыаллаах-соруктаах үлэлииллэр. Төрөппүттэр ааттарыттан кинилэр айар үлэлэригэр өссө үрдүк ситиһиилэри баҕарабыт.
Чэмэлиинэ Скрябина.
РФ Бырабыыталыстыбатын Бэрэссэдээтэлин солбуйааччы – РФ Бэрэсидьиэнин боломуочуйалаах бэрэстэбиитэлэ Юрий Трутнев «Россия-24» ханаалга интервью биэрдэ,…
2026 сыл тохсунньу 1 күнүттэн Арассыыйаҕа үс сыллаах эксперимент саҕаланыаҕа, ол түмүгэр бэйэ дьарыктаах дьон…
Өлүөхүмэ улууһун I Нөөрүктээйи нэһилиэгэр кыс ортото лыах тиллибитэ ый буолла. Маныаха учуонайдар көрүүлэрэ хайдаҕый?…
Дьокуускай куоракка полицейскайдар балыыһаҕа киирбит табаарыһын каартатыттан мөлүйүөн аҥаара харчыны уорбут киһини туттулар. Бу туһунан…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …