Бу ааспыт өрөбүллэргэ түөкүттэр албыннарыгар биэс киһи киирэн биэрбит

Бу ааспыт өрөбүллэргэ полиция үлэһиттэрэ счеттан харчы уоруутун биэс түгэнин бэлиэтээбиттэр.

Дьокуускай куорат уонна Хаҥалас улууһун икки биэнсийэлээх дьахтарыгар түөкүттэр Роскомнадзор үлэһиттэрэбит диэн төлөпүөннээн, тус уурунууларыттан 191 уонна 36 тыһ. солк. ылбыттар.

Онтон Мииринэй олохтооҕуттан букатын 801 тыһ. солк. уорбуттар.

Дьокуускай биир диспансерын бырааһа “инвестицияҕа харчы өлөрөөрү” тоҕус  күн иһигэр 396 тыһ. солк. суйдаппыт.

Дьокуускайга олорор биэнсийэлээх дьахтары түөкүттэр “Озон” платформаҕа харчы оҥостуоҥ диэн  тылларыгар киллэрбиттэр. Ол түмүгэр дьахтар 312 тыһ. солк. уорбуттар. Бу туһунан ИДьМ телеграм ханаалыгар иһитиннэрэллэр.