Хаартыска: Былатыан Ойуунускай аатынан Саха академическай тыйаатырын пресс-сулууспата.
Былатыан Ойуунускай аатынан Саха академическай тыйаатырын испэктээктэрин эккирэтэ сылдьан барыларын кэриэтэ олус сөбүлээн көрөбүт.
Биир эмэ испэктээги араас төрүөтүнэн куоттаран кэбистэхпитинэ, ол уочараттаах көстүүнү кэтэһии буолар. Аатырбыт «Коркин. Андаҕар» испэктээги билигин да көрө илик дьоҥҥо үөрүүлээх сонуну иһитиннэрэбит — тохсунну 24-25 күннэригэр киэһэ 18:00 чаастан Былатыан Ойуунускай аатынан Саха академическай тыйаатырыгар көстөр буолла. Испэктээккэ Дмитрий Петрович Коркин оруолун СӨ үтүөлээх, РФ Судаарыстыбаннай бириэмийэтин лауреата Иннокентий Луковцев (эбэтэр артыыс Николай Протасов) толоруоҕа.
Сэбиэскэй Сойууска аан бастакы көҥүл тустуу оскуолатын арыйбыт энтузиаст учуутал, Дмитрий Коркин иитэн таһаарбыт тустууктара Саха сирин аатын Аан дойдуга Олимпиада чыпчаалыгар тиийэ айхалынан аатырдыбыттара, суон сураҕырдыбыттара.
Саха тустуута сүдү оскуола буолан сайдан тахсарыгар талааннаах тириэньэр Дмитрий Коркин успуорка, норуокка, төрөөбүт дойдутугар таптала бигэ тирэх, үйэлээх түөрэх буолбута.
Испэктээк култуура туйгуна Илья Стручков байыаннай дьайыыга барбытын кэннэ тохтотулла сылдьыбыта. Артыыс дойдутугар этэҥҥэ эргиллэн, испэктээк тыйаатыр сыанатыгар эмиэ турар буолла. «Коркин. Андаҕар» испэктээк туруорааччы режиссер Сергей Потапов, режиссер ассистена Роман Дорофеев, Михаил Егоров сценографията, Дора Айкуо Тихонова көстүүмнэрэ.
Билиэттэри https://iframeab-pre5643.intickets.ru, 34-13-31 төлөпүөнүнэн, “Пушкинская каартанан” ылыахха сөп. Каасса күн ахсын өрөбүлэ, тохтобула суох сарсыарда 10:00 киэһэ 18:00 дылы үлэлиир.
Бу күннэргэ Саха тыйаатырын өссө ханнык испэктээктэрин көрүөххэ сөбүй? Тохсунньу 25-26 күннэригэр күнүс 15 чааска (Алампа саалата) «Сайылык», тохсунньу 26 күнүгэр киэһэ 18 чаастан «Кэрэ көмүскэлигэр» испэктээктэр буолуохтара.
Дьокуускай куорат олохтоохторун уонна ыалдьыттарын Былатыан Ойуунускай аатынан Саха академическай тыйаатырын артыыстара «испэктээктэрбитигэр сылдьыҥ, маанылаах ыалдьыт буолуҥ!» диэн ыҥыраллар.
Новосибирскай уобаласка кулгаахтарынан кэһиллиилээх күрэсчиттэр ортолоругар көҥүл уонна греко-римскэй тустууга Арассыыйа Куубага түмүктэннэ. Саха сирин…
2517 ыал оҕо уһуйааннарыгар оҕону көрүүгэ-истиигэ төрөппүт төлөбүрүттэн босхолоннулар. Бу туһунан брифинг кэмигэр Саха Өрөспүүбүлүкэтин…
Өрөспүүбүлүкэ быйылгы сыллааҕы бүддьүөтүгэр улуус иһинээҕи көтөр аалынан сырыылары субсидиялыырга эбии 24,4 мөл. солкуобай көрүлүннэ.…
Бэнидиэнньиккэ, ахсынньы 8 күнүгэр, Хатас – Павловскай хайысханан Өлүөнэ өрүһү туоруур кыһыҥҥы суолга тырааныспарга көҥүл…
Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу,…
Бүгүн, ахсынньы 8 күнүгэр, СӨ Уопсастыбаннай балаататыгар «Доруобуйа харыстабылын эйгэтин үбүлээһин уонна социальнай мэктиэлэри хааччыйыы…