Бу өрөбүллэргэ арҕаа, соҕуруу улуустарга сылыйыа

Бу өрөбүллэргэ  үгүс улуустарга  улаханнык хаардаабат. Сарсын, сэтинньи 11 күнүгэр, үгүс нэһилиэнньэлээх пууннарга туманнаах буолуоҕа. Түүнүн салгын температурата 48 кыраадыска диэри тымныйыаҕа. 

Саха сиринээҕи гидрометеокиин иһитиннэрбитинэн, бүгүн, ахсынньы 10 күнүгэр (субуотаҕа), Саха сирин үгүс улуустарыгар дьоҕустук хаардыаҕа. Киин улуустарга туманнаах буолуоҕа, соҕуруулуу-арҕаа хаардыаҕа. Салгын температурата түүнүн 37-42 кыраадыс тымныйыаҕа. Хотугулуу-илин 43-48, арҕаа 32-37, соҕуруулуу-арҕаа 23-28, соҕуруу 18-23 кыраадыс тымныы буолуоҕа. Күнүһүн киин улуустарга 33-38 кыраадыс тымныйыаҕа. Хотугулуу-илин -40, -45, арҕаа эргин -23, — 28, соҕуруу уонна соҕуруулуу-арҕаа -12, — 18 кыраадыс буолуоҕа.

Баскыһыанньаҕа, ахсынньы 11 күнүгэр, үгүс улууска хаардаабат. Туманнах буолуоҕа. Киин улуустарга түүнүн -43, — 48, күнүһүн -39, -44, хотугулуу-илин түүнүн -45, — 50, күнүһүн — 42, — 47 кыраадыс тымныйыа.

Хаартыска — СИА-тан