Бу өрөбүллэргэ Саха сиригэр 30 кыраадыска тиийэ сылыйыаҕа

Саха сирин үгүс улууһугар бу өрөбүллэргэ куйаас күннэр тураллара күүтүллэр. Хас даҕаны улууска 30 кыраадыска тиийэ сылыйыаҕа. Ол туһунан Гидрометкиин салайааччыта Татьяна Маршалик иһитиннэрдэ.

— Ленскэй, Өлүөхүмэ, Алдан уонна Нерюнгри оройуоннарыгар бу өрөбүллэргэ 30 кыраадыска тиийэ сылыйыаҕа. Мииринэй оройуонугар этиҥнээх ардах түһэрэ күүтүллэр. Өрөспүүбүлүкэ хотулугуу-илиҥҥи өттүгэр 15, 20 кыраадыс сылаас буолуоҕа, кыра сөҥүү түһэрэ күүтүллэр, — диэн Татьяна Маршалик күнү-дьылы билгэлээтэ.

Бу өрөбүллэргэ Горнай улууһугар түүннэри тымныйыаҕа — +4… +9 кыраадыс буолуоҕа. Маршалик бэлиэтииринэн, бу оройуоҥҥа сайыны быһа атын оройуоннардааҕар температура намыһах эбит.

Киин оройуоннарга күнүһүн +23…+28, оттон түүннэри —  +7…+12 кыраадыс буолуоҕа.

Дьокуускайга  +26…+28 кыраадыс буолара күүтүллэр. Өрөбүлгэ халлаан былытырыа, күнүһүн быстах ардах түһэрэ күүтүллэр. Түүн  — +9…+14.