Бу өрөбүллэргэ үгүс улуустарга -20° кыраадыска диэри «сылыйыа»

Саха сиринээҕи гидрометеосулууспа саайтын чахчыларынан, тохсунньу бүтэһик — олунньу бастакы күннэригэр, ол эбэтэр тохсунньу 31 уонна олунньу 1 күннэригэр, Саха сирин соҕуруу, арҕаа, илин өттүгэр кыралаан хаар түһүөҕэ.

Кыра тыаллаах, олунньу 1 күнүгэр Арктика арҕаа кытылынан тыала сөкүүндэҕэ 15-18 м. диэри күүһүрүө, тибии түһүө.

Салгын температурата түүнүн -33-38°С, халлаан халыннаҕына  -38-43°, хотугулуу-арҕаа, хотугулуу-илин намыһах сирдэринэн -43-48°, соҕуруулуу-илин, Халымаҕа уонна Арктика кытылыгар -25-30° кыраадыс тымныы буолуо.

Күнүс салгын температурата -25-30°, арҕаа, илин -30-35°, хотугулуу-арҕаа намыһах сирдэргэ -40-45°, соҕуруу, соҕуруулуу-илин, оттон олунньу 1 күнүгэр арҕаа улуустарга -20-25° кыраадыс буолара күүтүллэр.