Бу интэриэһинэй. «Куруһаала» туһунан тугу билэҕит?

1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар уонна «Куруһаала» диэн ааттаабыттар.

Ол хойукка диэри турбутун 80-с сылларга көтүрбүттэрэ, билигин ону хат тутан сөргүтэн, Эргэ (Кырдьаҕас) куоракка мааны бэйэлээх «Куруһаалаҕа» эгэлгэ маҕаһыын элбэх.

Оттон урукку «Куруһаала» арыый атына. Тулатынан 33 холуонналааҕа, икки мэндиэмэннээҕэ. Үөһээ ыскылааттарга атыыга кэлбит барыта хараллар анал хостордоох эбиттэр.

1922-1923 сс. куораты үрүҥнэр осадалыылларыгар кыһыллар Куруһаалаҕа  сытан оборуоналаммыттар. Кэтиир пууннара манна эбит уонна бүлүмүөт, саа уоһа батарын курдук эркиннэригэр чуолҕан бөҕөтүн оҥортообуттар. Гражданскай сэрии кэнниттэн манна муосчуттар артыаллара, иистэнэр мастарыскыай олохсуйбут сорох өттүгэр ыаллары олордубуттар.

«История Якутии» энциклопедияттан,

«Айар», 2021 с.