Бу — интэриэһинэй. Эрэһиинэ соторбут туһунан тугу билэҕин?

Биһиги билигин туттар эрэһиинэ соторбут (ластик) (аныгылар үксүгэр винилтэн оҥоһуллаллар) 1770 сыллаахха айыллыбыта.

Бу иннинэ дьон харандааһынан суруллубут суругу килиэп сымнаҕаһынан сотоллоро. Ол эрээри, өскөтүн биир инженер сыыһа суруйбутун сотоору, алҕаска килиэп сымнаҕаһын оннугар бутуйан эрэһиинэни ылбатаҕа буоллар, өссө да салгыы оннук сото сылдьыа этилэр. Бастаан утаа бу киһи суругу туох соппутун сатаан быһаарбатах, дьэ онтон эрэһиинэ килиэптээҕэр ордук үчүгэйдик соторун өйдөөбүт.

Билигин сотор туохтан оҥоһуллубутун өҥүттэн көрөн быһаарыахха сөп. Сиэрэй уонна күөхтүҥү-кыһыл сотордор айылҕа каучугуттан  оҥоһуллаллар, олус имигэс, ууннары тардыллар, эриллэр буолаллар. Араас өҥнөөх эбэтэр үрүҥ сотордор синтетическай полимертан  оҥоһуллаллар. Маннык сотордору оҥоруу олус элбэх уустуктардаах, биир кыра алҕастан сотор хаачыстыбата түһүөн сөп, оччоҕуна графиты кыайан соппот буолар.

Саха ыалын халандаарыттан