Бу — интэриэһинэй. Сахалыы оонньуу, дьарык арааһын туһунан

Сахалыы оонньуу, дьарык туһунан төһө билэҕин? Ыһыахха хаһааҥҥыттан күрэхтэһэр, оонньуур буолбуттарый? Ыйааһыннаныы хаһааҥҥыттан киллэриллибитий?

Сахалыы оонньуу, дьарык арааһын Үөһээ Дьааҥыга 1867 -1876  сс. сыылкаҕа кэлэн олорбут И.А.Худяков аан маҥнай сурукка киллэрбитэ.

Сэһэнтэн, үһүйээнтэн биллэринэн, сахалыы оонньууларга күрэхтэһии ыһыахха XV — XVII үйэҕэ киирбит эбит.

Өрөбөлүүссүйэ кэнниттэн 1932 с. Саха Өрөспүүбүлүкэтэ олохтоммута уон сыла туолуутугар анаан улахан спартакиада ыытыллыбыта.

1934  с. аан маҥнайгынан Ф.С.Андросов «Оонньуулар тустарынан» диэн брошюрата бэчээттэммитэ.

1945 с. сахалыы оонньуулар (успуорт) көрүҥнэрин быраабылата бигэргэтиллибитэ. Тустууну, мас тардыһыытын ыйааһынынан көрөн араарар буолбуттара.

Саха ыалын халандаарыттан, 2009 с.