Бу күннэргэ +19+24° кыраадыска тиийэ сылыйыаҕа

Бүгүн, ыам ыйын 14 күнүгэр, өрөспүүбүлүкэ арҕаа өттүгэр кыралаан ардыаҕа, сорох сиринэн күнүс сөкүүндэҕэ  15-20 м., Өлүөнэ аллараа тардыытынан  17-22 м. түргэннээх тыал түһэрэ күүтүллэр.

Салгын температурата күнүс  +9+14°, соҕуруулуу-арҕаа +15+20°, хотугулуу-арҕаа, хотугулуу-илин   +2+7° кыраадыс буолуоҕа. Анаабырга, Булуҥҥа муора кытылынан   15-18 м. түргэннээх тыал түһэрэ сабаҕаланар.

Ыам ыйын 15-16 күннэригэр өрөспүүбүлүкэ баһыйар үгүс өттүгэр ардыаҕа, хоту, хотугулуу-арҕаа инчэҕэй хаар түһэрэ күүтүллэр.
Салгын температурата түүн   +4+9°, хоту  -6-11°, күнүс +11+16°, соҕуруу, соҕуруулуу-арҕаа  +19+24°, хоту  0,+5°, муора кытылынан  -3-8° кыраадыс буолуоҕа.