Бу күннэргэ халлаан +3 кыраадыска тиийэ сылыйыа

 Уопсайынан сылыйар дуу, тымныйар дуу? Бу ханна 3 кыраадыска тиийэ сылыйарый? Күнү-дьылы кэтээн көрөөччүлэр тугу этэллэрий?

Сарсын улуустарга үксүлэригэр, Анаабыр, Булуҥ улуустарыгар, Өлүөнэ алын тардыытынан, соҕуруу улуустарга кыралаан хаардыа. Кыралаан тыалырар, арҕаа улуустарга сорох сиринэн сөкүүндэҕэ 9-14 м диэри тыалырыа. Анаабырга, Булуҥҥа сорох сиринэн сөкүүндэҕэ 20-25 м тиийэ тыалырар. Түүнүн -22-27°, халлаан дьайҕардаҕына -30-35°, хотугулуу-арҕаа -15-20°, арҕаа -8-13°, соҕуруулуу-арҕаа -3-8°. Күнүс -14-19°, илин -20-25°, хотугулуу-арҕаа -10-15°, арҕаа -1-6°, Ленскэй улууһугар -2,+3°.

Онтон сэтинньи 8-9 күннэригэр улуустарга үксүлэригэр эмиэ кыралаан хаардыа диэн иһитиннэрэллэр. Күнүс арҕаа, хотугулуу-арҕаа, Өлүөнэ алын тардыытынан, сэтинньи 9 күнүгэр киин улуустарга кыралаан инчэҕэй хаар түһүө. Соҕуруу улуустарга сорох сиринэн хаар хойуутук түһүө, сөкүүндэҕэ 9-14 м тыалырыа. Өлүөнэ алын тардыытынан сөкүүндэҕэ 15-18 м түргэннээх тыалырар, хотугулуу-илин түүн -37-42° , арҕаа, соҕуруу улуустарга -3-8°, сорох сиринэн -11-16°, күнүс -10-15°, соҕуруу, арҕаа -3,+2°, хотугулуу-илин -22-27°.