Бу күннэргэ -35 кыраадыска диэри тымныйара күүтүллэр

Сарсын, алтынньы 19 күнүгэр, өрөспүүбүлүкэ баһыйар үгүс оройуоннарыгар, соҕуруулуу-илин, соҕуруу хаар түһүөҕэ диэн  Дьокуускайдааҕы УГМС иһитиннэрэр.

Өлөөн уонна Халыма-Индигиир оройуоннарыгар сөҥүү түһэрэ күүтүллүбэт.  Сорох сиринэн  сөкүүндэҕэ  8-13 м., Кэбээйигэ  15-17 м. түргэннээх тыал түһэрэ  сабаҕаланар.

Салгын температурата түүн  -5-10°,  хотугулуу-арҕаа  -11-16°, хотугулуу-илин  -16-21°, хайалаах сиргэ хотугулуу-илин  -26-31°, күнүс  0,-5°, хотугулуу-арҕаа, хотугулуу-илин -6-11° буолуоҕа.

Алтынньы 20-21 күннэригэр илин, Өлүөнэ аллараа тардыытынан, соҕуруу хаардыаҕа. Алтынньы 21 күнүгэр арҕаа уонна соҕуруу кыралаан сөҥүү, тыал түһүөҕэ. Анаабырга, Булуҥҥа   15-19 м. түргэннээх тыал түһэрэ күүтүллэр. Салгын температурата алтынньы  20 күнүгэр түүн  -5-10°,  хайалаах сиргэ хотугулуу-илин  -21-26°, сорох сиринэн  -30-35° диэри тымныйыаҕа. Арҕаа сөҥүү түһэр кэмигэр, соҕуруу  -4,+1°, алтынньы 21  күнүгэр түүн  -11-16°,  арҕаа  -2,+3°,  күнүс 0,-5°, хоту -8-13°, соҕуруу, соҕуруулуу-арҕаа +4+9° буолуоҕа.