Хаартыска: ЯСИА
Саха сиригэр дьыбардаах тоһуттар тымныылар түһүүлэрэ саҕаланна. Кэккэ улуустарга -50С кыраадыска тиийэ тымныйыа. Чугастааҕы күннэргэ хайдах күн-дьыл буолуоҕун туһунан Саха сиринээҕи Гидрометеорология уонна тулалыыр эйгэни кэтээн көрөр управление (УГМС) начаалынньыгын солбуйааччы — Гидрометкиин начаалынньыга Татьяна Маршалик кэпсээтэ.
«Салгын температурата түһүүтэ бастакынан хотугулуу-арҕаа уонна арҕаа улуустар олохтоохторо билиэхтэрэ. Номнуо бу күннэргэ түүнүн Өлөөн, Мииринэй уонна Ленскэй улуустарыгар салгын температурата -34…-39 С кыраадыска диэри түһүөҕэ, оттон сорох улуустарынан -40С кыраадыска тиийэ тымныйыа.
Өлөөн улууһугар, синоптиктар сабаҕалааһыннарынан, нэдиэлэ бүтүүтэ -45…-50С кыраадыска диэри тымныйыа. Өрөспүүбүлүкэ киин улуустарыгар күн-дьыл туруга өссө да улахан уларыйыыта суох турара бэлиэтэнэр, ол эрээри өрөбүллэргэ салгын температурата -34…-39С кыраадыска диэри түһүөҕэ.
Или эҥээр улуустарга салгын температурата -40С кыраадыска чугаһыа. Өрөспүүбүлүкэ бары сиригэр-уотугар кыралаан, сорох улуустарынан хаар түһэрэ күүтүллэр. Ордук күүстээхтик хаар Уус-Маайа улууһугар түһэрэ сабаҕаланар», — диэн Татьяна Маршалик кэпсээтэ. Кини этэринэн субуотаҕа, сэтинньи 29 күнүгэр, Сахалин үрдүнэн ааһар циклон дьайыыта күүһүрэр. Бу Уус-Маайа улууһугар, ону тэҥэ хотугулуу-илиҥҥи улуустарга, ол иһигэр Өймөкөөн уонна Халыма-Индигиир оройуоннарыгар салгын температурата сорох-сорох сиринэн үрдүүрүгэр тиэрдиэн сөп.
«Норуот уонна аармыйа - биир сомоҕо» өрөспүүбүлүкэтээҕи фашизмы утары пуоруму 2026 сылга бүтүн Уһук Илиннээҕи…
Сэтинньи 25 күнүгэр Псковскай уобаласка оҕунан ытыыга «Надежды России» диэн Бүтүн Арассыыйатааҕы күрэхтэһии түмүктэннэ. Бу…
Суут бириистэптэрин Саха сиринээҕи управлениетын Сунтаар оройуонун отделениетын суут бириистэптэрэ эмсэҕэлээччигэ 350 тыһыынча солкуобай кээмэйдээх…
Ааспыт суукка устата Саха сиригэр буруйу оҥоруу туһунан икки иһитиннэрии киирбит. Бу туһунан СӨ Борокуратууратын пресс-сулууспата…
УФСИН начаалынньыга Сергей Калиновскай уонна кини солбуйааччыта Анатолий Вальтер «Боотур» этэрээт байыастарын бэлэмнэээһиҥҥэ үөрэх киинигэр…
ИДьМ сулууспатын 3 №-дээх полициятын отделын дьуһуурунай чааһыгар маркетплейс бэрэстэбиитэллэриттэн сайабылыанньа киирбит. Инвентаризация кэмигэр табаар…