Бу күннэргэ Арктика улуустарыгар сылааһы биэрдилэр

СӨ ОДьКХ ГУП  бары арктическай салаалара 2025-2026 сыллаах күһүҥҥү-кыһыҥҥы ититии үлэтин саҕалаатылар.

Социальнай эбийиэктэргэ уонна олорор дьиэлэргэ сылааһы биэрдилэр. Үгэс быһыытынан ититии сезонун бастакынан Аллайыахатааҕы филиал арыйда. Атырдьах ыйын бүтүүтэ Дьааҥы, Эбээн Бытантай уонна Эдьигээн улуустарыгар сылааһы биэрбиттэрэ. Атырдьах ыйын 31 күнүгэр ититии сезонун үлэтигэр Үөһээ Халыматааҕы филиал кыттыспыта.

Арктика улуустарыгар ыытыллар өрөмүөн хампаанньатын чэрчитинэн, сүрүн уонна көмө тиэхиньикэни уларытыыга уонна өрөмүөннээһиҥҥэ үлэ ыытылынна, уопсайа 18 км уһуннаах хомунаалынай ситимнэр учаастактарын өрөмүөннээтилэр.

«Бүлүү, илин эҥээр уонна киин оройуоннарга ититии сезона балаҕан ыйын бастакы күннэригэр  саҕаланыаҕа», — диэн СӨ ОДьКХ  ГУП кылаабынай инженерэ Владимир Бондарь иһитиннэрдэ.

Сиһилии https://www.sakha.gov.ru/news/10985 сигэнэн ааҕыҥ.