Хаартыска: Күн астрономиятын лабораторията.
Муус устар 1 күнүгэр Күҥҥэ улахан эстии буолла. Прикладной геофизика института иһитиннэрбитинэн, 16 мүнүүтэ уһуннаах эстии M5.6 кылаастаах.
Эстии кэннэ плазма тахсар, ол былыта Сиргэ 1-2 күнүнэн айаннаан кэлэн, Сир магнитнай харысхалын хамсатар, оччоҕо магнитнай буурҕа буолуон сөп.
Күн астрономиятын лабораторията иһитиннэрэринэн, кулун тутар ый бүтэһигиттэн Күҥҥэ элбэх эстиилэр буолаллар. Кулун тутар 28 күнүттэн саҕалаан, 4 күн иһигэр 50-тан тахса эстии буолбут, ол иһигэр 1 улахан эстии (Х кылаастаах) уонна 11 орто (М кылаастаах).
Кулун тутар 28 күнүгэр буолбут Х кылаастаах эстии улахан плазмата, хата, Сиртэн атын сир диэки барбыт, онон биһиги диэки кэлбэтэх. Ити курдук, атын сир диэки халыйан хаалыан сөп. Ол эрээри эстиилэр салҕаналлар.
Онон учуонайдар муус устар 5, 8, 9, 10 күннэригэр магнитнай буурҕалар буолуохтарын сөп диэн сэрэтэллэр. Күүстээх магнитнай буурҕа араадьыйа, спутник сибээһигэр харгыстары таһаарыахтарын сөп. Маны тэҥэ, күн-дьыл туругуттан тутулуктаах дьон төбөлөрө ыалдьыан, хааннарын баттааһына түһүөн-тахсыан сөп.
Бырабыыталыстыба бэрэссэдээтэлин солбуйааччы Анатолий Семенов «Моя профессия – ИТ» Бүтүн Арассыыйатааҕы куонкурус эрэгийиэннээҕи түһүмэҕэр кыайбыт…
Ленскэй оройуонун Пеледуй бөһүөлэгэр Аҕа дойду улуу сэриитигэр Кыайыы 80 сылыгар аналлаах «Кыайыы поэзията» ааҕааччылар…
«Бүлүү» трассатыгар бэҕэһээ, кулун тутар 2 күнүгэр, уон пассажирдаах «Хайс» микроптуобус түҥнэстибит. Түөрт киһи эмсэҕэлээбит.…
Саха сиринээҕи Суут бириистэптэрин управлениетын отделениетыгар 42 саастаах эр киһи икки кыыһыгар алимены төлөөбөккө холуобунай…
Быйыл суолга кутталы суох буолууну хааччыйар туһуттан, 747 суол бэлиэтин туруоруохтара диэн Саха сирин массыына…
Ю.П. Степанов аатынан Өрөспүүбүлүкэтээҕи инбэлииттэри реабилитациялыыр социальнай-чэбдигирдэр кэлим кииҥҥэ анал байыаннай дьайыы 415 кыттыылааҕа уонна…