Бу күннэргэ Саха сиригэр -50 кыраадыска диэри тымныйыаҕа

Чугастааҕы үс суукка иһигэр Саха сирин улахан аҥаарыгар биллэ тымныйыаҕа. Кэккэ оройуоҥҥа салгын температурата -50 кыраадыска диэри түһүөҕэ, киин куоракка өрөбүл күн туманнаах буолуоҕа. Бу туһунан Cаха сиринээҕи күнү-дьылы кэтээн көрөр сулууспа иһитиннэрэр диэн СИА суруйар. 

Ол курдук, киир оройуоннарга салгын температурата түүн -33…-38°, халлаан ырааһырдаҕа -41…-46° буолуоҕа. Хотугулуу-илин уонна өрүс уҥуор өттүгэр түүн -48…-53° диэри тымныйыаҕа, күнүһүн -30…-35° буолуоҕа.

Итиэннэ өрөспүүбүлүкэ арҕаа уонна соҕуруу өттүгэр күнүс -17…-22° тэҥнэһиэҕэ.