Бу күннэргэ Саха сиригэр аракыата тобохторо түһүөхтэрэ

Сарсын, сэтинньи 30 күнүгэр, 06:50 (олохтоох бириэмэ) «Восточнай» космодромтан «Фрегат» үрдүкү тахсар блоктаах уонна 2 №-дээх «Кондор-ФКА» космическай аппараттаах «Союз-2-1а» аракыата көтөрө былааннанар.

Бу туһунан СӨ Гражданскай оборона дьыалатыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрэр.

Аракыата аппараатын төбөтүн тутулун чааһа Алдан уонна Өлүөхүмэ улууһун сиригэр, оттон киин блога уонна кутуругун чааһа Бүлүү уонна Үөһээ Бүлүү улуустарын сиригэр түһэллэрэ сабаҕаланар.

Аракыата көппүт сүрүн соругунан сир үрдүн араҥатын чуолкайдык хаартыскаҕа түһэрии буолар.