Хаартыска: Василий Прокопьев, Саха сирэ
Бу күннэргэ Арктикаттан салгын маассата Саха сиригэр эмиэ тымныйыыны аҕалыа.
Синоптиктар өрөспүүбүлүкэ үгүс өттүгэр салгын температурата нуорматтан намыһах буоларын сабаҕалыыллар. Күн-дьыл хайдах буоларын туһунан ЯСИА-ҕа Саха сиринээҕи Гидрометеосулууспа управлениетын салайааччытын солбуйааччы — Гидрометкиин начаалынньыга Татьяна Маршалик кэпсээтэ.
«Өрөспүүбүлүкэ үгүс оройуоннара арктикатааҕы салгын маассатын дьайыытыгар хабыллыа. Бу салгын маассатын кытта үгүс оройуоннарынан элбэх сөҥүү түспэтэ күүтүлэр. Чуолаан киин улуустарга кэлэр сууккаҕа кыралаан ардах түһэрэ сабаҕаланар. Нэдиэлэ бүтүөр диэри Алдан, Нерюнгри уонна өрөспүүбүлүкэ хотугулуу-илин өттүлэриттэн ураты, атын улуустарга сөҥүүтэ суох күн-дьыл турара күүтүллэр. Итини тэҥэ, салгын температурата нуорматтан намыһах буолуо.
Дьокуускайга түүн +3…+8 кыраадыска диэри тымныйыа, оттон күнүс салгын температурата нэдиэлэ бүтүөр диэри +14…+19 кыраадыс эрэ буолуо», — диэн Татьяна Маршалик ЯСИА-ҕа билгэтин кытта үллэһиннэ.
Бүгүн, атырдьах ыйын 13 күнүгэр, Дьокуускайга күнүс салгын температурата +16…+18 кыраадыска диэри намтыа. «Бу нэдиэлэҕэ сылыйыы өрөспүүбүлүкэ арҕаа өттүгэр күүтүллэр. Ленскэй, Мииринэй уонна Өлүөхүмэ улууһугар салгын температурата нэдиэлэ бүтүүтэ сылыйан барыаҕа, онно салгын температурата +18…+23 кыраадыска диэри үрдүөҕэ», — диэн Саха сиринээҕи УГМС салайааччытын солбуйааччы — Гидрометкиин начаалынньыга Татьяна Маршалик эттэ.
Атырдьах ыйын 2 күнүгэр Дьокуускай куорат үлэтэ суох 25 саастаах олохтооҕор «мобильнай оператор үлэһитэ» диэн…
Билигин арбуз дэлэйэн сыаната арыый түстэ. Ортотунан маҕаһыыннарга киилэтэ 110-130 солк.тэҥнэстэ. Оттон кууһунан атыылыыр Чернышевскай…
Бу нэдиэлэ бүтүүтэ Саха сириттэн байыастарга өссө үс тиэхиньикэни ыытары былаанныыллар. Бу туһунан нэдиэлэтээҕи брифиҥҥэ…
Билбэт киһиттэн каартаҕа харчы түспүт түгэнигэр, бу түөкүннэр дьайыылара буолуон сөп. Бу туһунан Объясняем.рф. саайт…
Тыа хаһаайыстыбатын уонна ас-үөл бэлиитикэтин министиэристибэтэ грант көрүллүүтүгэр “Агросартапка” атырдьах ыйын 12 күнүттэн докумуону тутан…
Саха сиригэр байыаннай дьайыы байыастарыгар анаан өрөспүүбүлүкэттэн доруоп саа уочараттаах хомуура саҕаланна. Бу туһунан бүгүҥҥү…