Бу күннэргэ сорох сиринэн +34 кыраадыска диэри итийиэ

От ыйын  13 күнүгэр өрөспүүбүлүкэ соҕуруулуу-арҕаа, соҕуруу, соҕуруулуу-илин итиэннэ киин улуустарга сорох сиринэн  этиҥнээх ардах түһэрэ күүтүллэр.  Хотугулуу-арҕаа уонна хоту күнүскү өттүгэр быстахтык ардыаҕа.

Халымаҕа сөҥүү түһэрэ күүтүллүбэт.  Этиҥнээх ардах түһэр кэмигэр  сөкүүндэҕэ 9-14 м, соҕуруу күнүс 15-17 м түргэннээх тыал түһэрэ сабаҕаланар.  Салгын температурата түүн  +14+19°, арҕаа,  хоту  +6+11°,  күнүс  +21+26°,  илин, соҕуруулуу-арҕаа  +27+32°, арҕаа, хоту  +18+23°,  хотугулуу-арҕаа  +9+14°.
Арктика кытылынан кыралаан ардыаҕа.  Арҕааттан  9-14 м түргэннээх  тыал түһэрэ күүтүллэр. Температура  түүн  +3+8°, күнүс +12+17°, илин түүн  +4+9°, күнүс +20+25°.

От ыйын  14-15 күннэригэр  хоту, хотугулуу-арҕаа, Өлүөнэ аллараа тардыытынан сорох сиринэн ардыаҕа.  Дьааҥыга, арҕаа, киин, соҕуруу  улуустарга быстах ардах түһэрэ күүтүллэр.   Температура түүн  +12+17°, хоту  +3+8°, Арктика кытылынан  0,+5°, күнүс +20+25°, соҕуруулуу-илин,  илин, Халымаҕа   +34° кыраадыска диэри итийиэҕэ. Хотугулуу-арҕаа,  хоту +10+15°, арҕаа  +16+21°.