Мария Васильева хаартыската, СИА.
Саха сиригэр атырдьах ыйын 7-8 күннэригэр биллэрдик тымныйыа. Сорох улуустарга түүнүн -2 кыраадыска диэри тымныйан, хаһыҥ түһүөҕэ. Хайдах күн-дьыл буоларын туһунан ЯСИА-ҕа Саха сиринээҕи Гидрометеосулууспа киинин салайааччытын солбуйааччыта — Гидрометкиин начаалынньыга Татьяна Маршалик кэпсээтэ.
«Атырдьах ыйын 7-8 күннэригэр киин улуустарга күнүс +13…+18 кыраадыс буолуо. Бу күннэргэ Мииринэй уонна Бүлүү бөлөх улуустарыгар түүнүн -2 кыраадыска диэри хаһыҥ түһэрин сабаҕалыыбыт. Атырдьах ыйын 8 күнүгэр хаһыҥ Горнай улууска эмиэ хаһыҥ түһүөн сөп», — диэн Татьяна Маршалик ЯСИА-ҕа иһитиннэрдэ.
Саха сирин үрдүнэн күн-дьыл хотуттан арктическай салгын маассата киирэринэн уларыйыаҕа. Маршалик этэринэн, атырдьах ыйыгар аны куйаас күн-дьыл турара күүтүллүбэт.
«Салгын температурата тымныы тыалтан намтыыр. Илин Эҥэр, соҕуруулуу-илин улуустарга күүстээх тыаллаах этиҥнээх ардах түһэрин сабаҕалыыбыт. Күн-дьыл уларыйан барыа. Араас күүстээх ардахтар, оттон хотугулуу-илин, хайалаах сирдэргэ – инчэҕэй хаар түһэрэ күүтүллэр, салгын температурата тута 8-13 кыраадыһынан намтыа», — диэн Саха сиринээҕи УГМС салайааччытын солбуйааччыта — Гидрометкиин начаалынньыга үллэһиннэ.
Баскыһыанньаҕа соҕуруулуу-илин, ону тэҥэ соҕуруу уонна арҕаа улуустарга уонна өрөспүүбүлүкэ киинигэр Приморьеттан сылаас салгын маассата сыыйа киирэн саҕалыаҕа. Салгын температурата +22 кыраадыска диэри сылыйыа.
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…