Сайаана Львова хаартыскаҕа түһэриитэ.
Оттук сезонун саҕаланыытын уонна бүтүүтүн муниципальнай тэриллиилэр олоҕу-дьаһаҕы хааччыйар тэрилтэлэри кытары олохтоммут нуорманан, күн-дьыл туругуттан көрөн бэйэлэрэ быһаараллар.
Ол курдук Чурапчы улууһугар ыам ыйын 21 күнүгэр ититиини биэрии тохтуоҕа.
Ыам ыйын 22 күнүттэн оттук сезона Амма, Нам, Уус Алдан, Таатта, Мэҥэ Хаҥалас улуустарыгар бүтүөҕэ. Ыам ыйын 23 күнүгэр Томпо, ыам ыйын 25 күнүгэр – Ньурба уонна Сунтаар улуустарыгар, ыам ыйын 26 күнүгэр – Бүлүү уонна Горнай улуустарыгар уонна Алдан оройуонун Томмотугар, ыам ыйын 27 күнүгэр Үөһээ Бүлүү уонна Кэбээйи улуустарыгар итиини биэрии тохтуоҕа.
Оттон Арктика үгүс улуустарыгар итиини биэрии бэс ыйыгар тохтуоҕа. Усуйаана улууһугар бэс ыйын 18-19 күннэригэр, Аллайыаха улууһугар бэс ыйын 23 күнүгэр оттук сезона сабыллара былааннанар. Арай Булуҥ улууһугар оттук сезона сылы эргиччи барар.
Ону сэргэ «Өлүөхүмэ оройуона» муниципальнай оройуон энергиянан хааччыйыыга ыстаабын быһаарыытынан Өлүөхүмэ оройуонун ууга барбыт нэһилиэнньэлээх пууннарыгар оттук сезона уһатылынна.
Дьокуускай куорат ОДьКХ уонна энергетикаҕа департамена иһитиннэрэринэн, Дьокуускай куорат административнай тутууларыгар уонна таас олорор дьиэлэргэ итиини биэрии ыам ыйын 23 күнүттэн, оттон мас дьиэлэргэ уонна социальнай эбийиэктэргэ бэс ыйын 1 күнүттэн тохтотуллуо.
РФ Бырабыыталыстыбатын 06.05.2011 с. 354 №-дээх уурааҕынан оттук кэмэ таһырдьааҥы сууккатааҕы температура биэс күн 8 С0 үрдүк турдаҕына бүтэр.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…