Бу нэдиэлэҕэ 30 кыраадыска тиийэ сылыйыаҕа

Бу нэдиэлэҕэ Саха сирин киин улуустарыгар салгын температурата биллэ сылыйара күүтүллэр. Ол курдук, бээтинсэҕэ +30 кыраадыс буолуоҕа диэн Саха сиринээҕи ГМС начаалынньыга Татьяна Маршалик иһитиннэрэр.

«Бу нэдиэлэҕэ Саха сирин киин улуустарыгар сылаас күн-дьыл турара уонна сөҥүү түспэтэ күүтүллэр. Хас күн аайы салгын температурата биир-икки кыраадыһынан сылыйан иһиэҕэ. Ыам ыйын 31 күнүгэр 30 кыраадыстаах куйаас күн туруоҕа», — диэн Татьяна Маршалик иһитиннэрэр.

Бүгүн, ыам ыйын 28 күнүгэр, Дьокуускайга 23 кыраадыска диэри сылыйыаҕа, киин оройуоннарга +20…+25 кыраадыс, арҕаа оройуоннарга +25…+30 кыраадыс, соҕуруу оройуоннарга +16…+21 кыраадыс, Арктика оройуоннарыгар +10…+15 кыраадыс буолара күүтүллэр.