Бу нэдиэлэҕэ “Абааһылаах Хаус” кэмиэдьийэ киинэ сүрэхтэниэ

Кулун тутар 28 күнүгэр “Абааһылаах Хаус” диэн ааттамыт хоррор-кэмиэдьийэ киэҥ экраннарга сүрэхтэниэ. Киинэ режиссерунан Дьулусхаан Андросов үлэлээбит. Сүрүн оруолларга: Кеша Иванов, Илья Попов, Ева Шакор.

Хоррор-кэмиэдьийэ эрдэ Саха сиригэр уһулла илик киинэ жанра. Киинэ продюсера Степан Порядин бырайыак туһунан этэр:

— Бу дьоҕус бүддьүөттээх (мөлүйүөн солкуобай иһинэн), күлүүлээх эрээри кутталлаах киинэ. Жанрынан майгынныыр ханыыта диэн “Очень страшное кино” ыччат кэмиэдьийэтин ааттыахха сөп. Дьон күннээҕи түбүгүттэн кыратык аралдьыйан, сынньаннын диэн уһуллубут киинэ.