Бу нэдиэлэҕэ киин улуустарга күн ахсын ардах түһүөҕэ
![](https://sakha-sire.ru/wp-content/uploads/2023/07/d08d2c51-569c-4098-959e-33d8a30d39c7-1060x596.jpeg)
Бэс ыйын 12 күнүттэн Саха сирин киин улуустарыгар нэдиэлэ бүтүөр диэри быстах ардахтар түһэллэрэ күүтүллэр диэн өрөспүүбүлүкэ күнү-дьылы кэтээн көрөччүлэрэ сылыктыыллар.
Онуоха салгын температурата сылаас оннунан хаалыаҕа, ол эрээри аныгыс нэдиэлэттэн тымныйар, түүн хаһыҥ түһэрэ күүтүллэр. Халлаан туругун туһунан Саха сиринээҕи Гидрометеосулууспа салайааччытын солбуйааччы Татьяна Маршалик кэпсээтэ.
«Бэс ыйын 12 күнүттэн Саха сирин киин улуустарыгар күн-дьыл биллэрдик уларыйан барыаҕа. Былыттаах уонна кыра ардаахтаах буоларын таһынан, салгын температурата +23+28 С кыраадыс сылаас буолара сабаҕаланар. Нэдиэлэ бүтүөр диэри киин улуустарга күн ахсын кыралаан ардыаҕа. Өрөспүүбүлүкэ арҕаа өттүгэр нэдиэлэ бүтүүтэ салгын температурата намтыаҕа, араас тэтимнээх ардах түһэрэ күүтүллэр», — диэтэ Татьяна Маршалик.
Бүгүн Дьокуускайга салгын температурата +25+27 С кыраадыс сылаас. Сөҥүүтэ суох, соҕурууттан сөкүүндэҕэ 3-8 м/с түргэннээх тыаллаах.
Сообщить об опечатке
Текст, который будет отправлен нашим редакторам: