Бу нэдиэлэҕэ Саха сирин олохтоохторун эбии өрөбүл күн күүтэр 

Муус устар 27 күнүгэр Өрөспүүбүлүкэ күнүн бэлиэтиибит. Бырааһынньык күнүгэр сорох тэрилтэ үлэһиттэрэ өрүөхтэрэ. Ол туһунан Үлэ уонна социальнай сайдыы министиэристибэтин пресс-сулууспата иһитиннэрдэ.

Ол курдук, бу күн СӨ бүддьүөтүттэн үбүлэнэр былаас уорганнарын уонна тэрилтэлэрин үлэһиттэригэр өрөбүл биллэрилиннэ. Ону таһынан РФ Үлэҕэ кодексатын быһыытынан сынньалаҥ күнүн иннинээҕи үлэ күнүн эбэтэр симиэнэтин уһуна биир чааһынан кылгаан биэрэр.

Онтон атын тэрилтэлэр бу күҥҥэ өрүүллэрин бэйэлэрэ быһаараллар.