Бу нэдиэлэттэн опутобустар Ленин проспегынан сылдьан саҕалыахтара

Дьокуускайга бу нэдиэлэттэн саҕалаан Ленин проспегынан уопсастыбаннай тырааныспардар айанныахтара. Бу туһунан киин куорат баһылыга Евгений Григорьев планерка кэмигэр иһитиннэрдэ диэн «Эхо столицы» таһаарыы суруйар.

«Бу нэдиэлэттэн Ленин проспегынан оптуобустары сырытыннарыахха наада», — диэн Григорьев эппитин таһаарыы суруйар.

Санатан суруйдахха, оптуобустары проспекка суол үлэтин түмүгүн туттарбыттарын уонна инфраструктура бэлэм буоллаҕына сырытыннарыахтаахтар. Болдьох хаста даҕаны көһө сылдьыбыта.

Ленин проспегын хапытаалынай өрөмүөнэ 2021 сылтан оҥоһуллубута. Үлэ «Куттала суох хаачыстыбалаах суоллар» национальнай бырайыак иитинэн барар.