Бу сыл 9 ыйыгар 8,4 тыһыынча оҕо төрөөбүт

ЗАГС управлениетын дааннайынан, Саха сиригэр 2023 сыл 9 ыйыгар 8421 оҕо төрөөбүт. Саамай элбэх оҕо Дьокуускайга — 4442, Нерюнгригэ — 441, Мииринэйгэ — 434 төрөөбүт.  

Атырдьах ыйыгар саамай элбэх оҕо төрөөбүт — 600 оҕо. Ону тэҥэ, 164 игирэ, 6 үс игирэ оҕолор төрөөбүттэр.

Өссө биир интэриэһинэй түгэн: 25-гэр диэри саастаах ийэлэргэ 994 оҕо, 26-35 саастаахтарга — 2926 оҕо, 36-тан үөһэ саастаахтарга — 1018 оҕо төрөөбүт.

Аныгы кэм ирдэбилинэн, төрөппүттэр билигин үксүн «Рождение ребенка» сервиһинэн туһаналлар. Быйыл бу сервис нөҥүө 2558 оҕону регистрациялаабыттар, ол уопсай ахсаантан 30,38%-на буолар. Былырыыҥҥыны кытта тэҥнээн көрдөххө, 2022 сыл алтынньытыгар диэри 36 эрэ оҕону регистрациялаабыттара.

ЗАГС Саха сиринээҕи управлениетын пресс-сулууспата.