Бу сыл ахсынньытыгар биэнсийэлээхтэр үрдэтиллибит төлөбүрдэри ылыахтара

Судаарыстыбаннай Дуума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин чилиэнэ, дьокутаат Светлана Бессараб иһитиннэрбитинэн, бу сыл ахсынньытыгар сорох биэнсийэлээхтэр үрдэтиллибит төлөбүрдэри ылыахтара. Бу туһунан кини «Аргументы и факты» таһаарыыга кэпсээбит.

Дьокутаат этэринэн, ый бастакы чыыһылаларыгар биэнсийэлэрин ылар дьон ахсынньыга икки биэнсийэни ылыахтара, ол иһигэр 2025 сыл тохсунньутааҕыларын эмиэ. Бу саҥа дьыллааҕы өрөбүллэринэн сибээстээн маннык буолбут.

Оттон тохсунньутааҕы биэнсийэ кэлэр сыл тохсунньу 1 күнүттэн биэнсийэ индексацияланааһынын сокуона ылыныллыннаҕына арыый элбиэн сөп. Санатан суруйдахха, бу сокуон ылынылыннаҕына, биэнсийэ 7,3 % үрдүөҕэ. Ол эрээри дьокутаат бэлиэтээбитинэн, туох баар суот-учуот ааҕыллан, бырайыак федеральнай бүддьүөккэ киирбит.