Хаартыска: Полярные авиалинии.
Ааспыт үс ый иһигэр 8452 киһи Арктика улуустарыгар диэри субсидиялаах билиэтинэн көппүт. Маныаха операторынан талыллыбыт “Полярные авиалинии” авиа хампаанньа 146 мөл. солк. туһаммыт. Ити туһунан өрөспүүбүлүкэ Тырааныспарын уонна суол хаһаайыстыбатын министиэристибэтигэр иһитиннэрдилэр.
Тустаах субсидиянан туһанааччылар Дьокуускай куораттан Арктика бары 13 улууһугар уонна төттөрү көтөллөр. Бу — Үрүҥ Хайа, Чокуурдаах, Сааскылаах, Зырянка, Эдьигээн, Муома, Өлөөн, Орто Халыма, Депутатскай, Тиксии, Баатаҕай, Уус Куйга, Саккырыыр, Черскэй.
Ордук элбэх суума дьон элбэхтик көтөр Баатаҕай, Тиксии уонна Орто Халыма хайысхаларыгар көрүллүбүтэ. Холобур, биир киһиэхэ Орто Халымаҕа диэри субсидия кээмэйэ 20600 солк. тэҥнэһэр, Тиксиигэ — 17800 солк., Баатаҕайга – 13800 солк. Субсидия көмөтүнэн билиэт сыаната ортотунан 60 % чэпчиир.
Ааспыт сылтан субсидиялаах билиэтинэн саастарыттан тутулуга суох Арктика улуустарын бары олохтоохторо, ону тэҥэ, “Земскэй дуоктар” уонна “Земскэй биэлсэр” бырагырааманан үлэлиир мэдиссиинэ үлэһиттэрэ туһанар кыахтаммыттара. Эрдэ 23-гэр диэри уонна 55-тэн үөһэ саастаахтар муус устар 1 күнүттэн алтынньы 31 күнүгэр диэри РФ олохтоохторо чэпчэтиинэн туһаналлара.
Бу сыалга анаан былырыын өрөспүүбүлүкэ судаарыстыбаннай бүддьүөтүттэн 600 мөл. солк. ыыппыттара, чэпчэтиилээх билиэти 34,5 тыһ. киһи атыыласпыта.
2022 сыл ахсынньытыгар, Ил Дархан Айсен Николаев Ил Түмэҥҥэ туһаайбыт Анал этиитигэр, тустаах быраактыка 2023 сылга эмиэ салҕаныа диэн иһитиннэрбитэ. Быйыл Арктика улуустарыгар субсидиялаах билиэтинэн көтүүгэ анаан 600 мөл. солк. көрбүттэрэ.
Ил Дархан уонна Бырабыыталыстыба пресс-сулууспата.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…