Быйыл Дьокуускай куоракка Ленин, митрополит Иннокентий Вениаминов, Семен Дежнев уонна Абакайаада, Бекетов, Кулаковскай, 1920-с сыллар хомсомуолларга анаммыт пааматынньыктар, Гагарин бюһа уонна Покровскай куоракка Г.Орджоникидзе аатынан дьиэ чөлүгэр түһэрии үлэлэрэ ыытыллыаҕа.
Ону сэргэ Троицкай собуор дьиэтин, митрополит Иннокентий Вениаминов уонна Мииринэй куоракка «Мир» алмаас туруупкатын бастакы арыйааччыларыгар анаммыт пааматынньыктар бырайыактыыр докумуоннарын оҥорууну былаанныыллар.
РФ норуоттарын култуурунай нэһилиэстибэтин эбийиэктэрин биир кэлим судаарыстыбаннай реестригэр киллэрэргэ 7 устуоруйа уонна култуура пааматынньыктарыгар докумуоннара бэлэмнэнэр. Ону тэҥэ РФ Култуураҕа министиэристибэтигэр «Сайсары – Ытык Күөл» култуурунай нэһилиэстибэ реестригэр киллэриини туруорсаллар. Култуура нэһилиэстибэтин арыйбыт эбийиэктэрин испииһэгэр Таатта улууһугар Амыдай сирин уонна Өктөм нэһилиэгэр Кыайыы сэргэтин киллэрэргэ былаанныыллар.
Бырабыыталыстыба эрэгийиэннээҕи суолталаах култуура нэһилиэстибэтин эбийиэктэрин харыстааһыныгар 9 сир зоната бигэргэннэ. Итиэннэ быйыл 2 кыбартаалга өссө эбии 10 эбийиэк бырайыагын бигэргэтиэхтэрэ. Быйылгы сылга култуура нэһилиэстибэтин кадаастырыгар 93 эбийиэги бигэргэтиигэ уонна киллэриигэ үлэ түмүктэнэрэ былааннанар. Маны таһынан быйыл Өлүөхүмэ, Мэҥэ Хаҥалас, Уус Маайа улуустарыгар сытар археологическай нэһилиэстибэ 25 эбийиэгин туругун чинчийэн көрүү ыытыллыаҕа. Дьокуускай куоракка 64 кыбаарталга Каландаришвили уонна Марк Жирков ааттарынан уулуссалар муннугар 2000 кв. м иэннээх улахан археологическай хаһыылар ыытыллыахтара.
Санатан эттэххэ, Ил Дархан Айсен Николаев «Пааматынньыктары оннунан хаалларыахха» диэн бырайыагы көҕүлээбитэ. 2019 сылтан устуоруйа уонна култуурунай нэһилиэстибэ 45 пааматынньыгын чөлүгэр түһэриллибиттэрэ. «Култуура» национальанй бырайыагы РФ Бэрэсидьиэнэ Владимир Путин көҕүлүүр.
СӨ Ил Дарханын уонна Бырабыыталыстыбатын пресс-сулууспата
Нам улууһугар халаан уутуттан эмсэҕэлээбиттэргэ көмөнү чааһынай дьон да, тэрилтэлэр да оҥоро тураллар. "Якутия" технопаарка…
Дьокуускайга баһаарга 34 саастаах дьахтар уонна кини 14 саастаах кыыһа өлбүттэринэн холуобунай дьыала тэрилиннэ. Бу…
Сыл саҕаланыаҕыттан тустаах Сулууспаҕа байыаннай дьайыы 132 кыттыылааҕа сырытта. Өрөспүүбүлүкэ Нэһилинэньэтин дьарыктаах буолууга сулууспата байыаннай…
Саха сирин баһылыга Айсен Николаев Өлүөхүмэ оройуонугар чөлүгэр түһэрии үлэтигэр сүбэ мунньаҕы ыытта. “Бүгүн сүрүн…
Ил Дархан Айсен Николаев Өлүөхүмэ улууһугар оробуочай сырыытын кэмигэр 1-кы Нөөрүктээйи сэлиэнньэтин олохтоохторун кытта көрүстэ.…
Ыам ыйын 22 күнүттэн Саха сирин киин улуустарыгар биллэ сылыйара күүтүллэр. Өрөбүллэргэ салгын температурата климатическай…