Хаартыска Кэбээйи улууһун дьаһалтатыттан
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак чэрчитинэн тутуллуохтара.
СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников салайааччылаах мунньах кэмигэр тутуу тэрилтэлэрин бэрэстэбиитэллэрэ бу тула кэпсэттилэр.
СӨ бырабыыталыстыбатын пресс-сулууспата иһитиннэрбитинэн, национальнай бырайыак чэрчитинэн өрөспүүбүлүкэтээҕи судаарыстыбаннай бырагыраамалар былааннарынан, уопсайа доруобуйа харыстабылыгар сыһыаннаах 20 эбийиэк, 5120 миэстэлээх 18 оскуола, 17 култуура эбийиэгэ, 10 успуорт эбийиэгэ, 650 миэстэлээх 5 уһуйаан, 4 араас үөрэх эбийиэгэ уонна эбии үөрэхтээһиҥҥэ 2 эбийиэк тутуллара күүтүллэр. Маны таһынан, бу сылга өрөспүүбүлүкэ тутааччылара 705 кв.м иэннээх олорор дьиэни тутан үлэҕэ киллэриэхтэрэ. Ол иһигэр хаарбах дьиэттэн көһүү бырагыраама чэрчитинэн буолуоҕа.
Маны сэргэ мунньах кэмигэр миграционнай бэлиитикэ уустугуран тутуу эйгэтигэр үлэһит илии тиийбэтин, тутуу матырыйаала наадатын туһунан кэпсэтистилэр. Мунньах кыттыылаахтара туруоруммут соруктары ситэргэ туох быһаарыылар баар буолуохтарын ырыттылар. Дмитрий Садовников сүрүн соруктар истэригэр тутуу былаһааккалын сиэмэнинэн хааччыйыы боппуруоһун бэлиэтээтэ. Маны сэргэ, тутуу сезонун саҕана устудьуоннар тутар этэрээттэриттэн 1200 байыаһы үлэҕэ ылар туһунан иһитиннэрдэ.
Бэлиэтээн суруйдахха, Саха сиригэр былырыыҥҥы тутуу сезонун түмүгүнэн, Саха сиригэр 40 социальнай эбийиэк тутуллубута. Ону сэргэ тутуу аныгы устуоруйатыгар олорор дьиэни тутууга рекорд оҥоһуллубут. 2023 сылга 705,13 тыһ.кв.м дьиэ тутуллубута. 315,47 тыһ. кв.м элбэх кыбартыыралаах дьиэлэр уонна 389,66 тыһ кв.м чааһынай дьиэлэр тутуллубуттара.
РФ бэрэсидьиэнэ Владимир Путин көҕүлээһининэн национальнай бырайыактар 2019 сылтан үлэлииллэр.
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…
Олоҥхо ыһыаҕын биир элбэх ахсааннаах кыттааччылаах уонна ураты оҥоһуулаах былаһаакканан аҕыйах ахсааннаах норуоттар түһүлгэлэрэ буолла.…
Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир…
Дьокуускай куорат борокуратуурата икки кыыска сыһыаннаах холуобунай дьыалаҕа судаарыстыбаннай буруйдааһыны өйөөтө. Кинилэр РФ Холуобунай кодексын…
“Назар Петров биһиги ытыктыыр биир идэлээхпит, Өлөөн улууһун оройуоннааҕы киин балыыһатын кылаабынай бырааһа. Кини –…