Хаартыска: ЯСИА
Саха сиригэр бүддьүөт эйгэтин үлэһиттэрин хамнастарын улаатыннарыы туһунан олунньу 6 күнүгэр, чэппиэргэ, премьер Кирилл Бычков ыыппыт Бырабыыталыстыба мунньаҕар дьүүллэстилэр.
Бүддьүөт үлэһиттэрин хамнастарын төлөбүрүн пуондата 5,7% улаатыаҕа, онон хамнас эбиллиитэ 56,9 тыһ. киһини таарыйыаҕа.
Кирилл Бычков эппитинэн, хамнас үрдээһинэ потребительскай сыананы уонна өҥөнү оҥоруу сыанатын индексациялааһыннарыгар сөп түбэһиэхтээх. Хамнаһы индексациялааһыҥҥа 2,9 млрд солк. тахса, ол иһигэр өрөспүүбүлүкэ бүддьүөтүттэн – 2,6 млрд тахса, булгуччулаах мэдиссиинэ страховкалааһын пуондатыттан – 304 мөл.солк. кэриҥэ үп-харчы наада диэн бэлиэтииллэр.
Маны таһынан мунньахха экэниэмикэ, социальнай эйгэ, судаарыстыбаннай уонна муниципальнай управление салааларыгар олоҕуран салайыы бириинсиптэрин киллэрии боппуруоһун көрдүлэр.
Анализ оҥоруу тиһигэ уонна даннайдары көрдөрүү аналитика өттүгэр ситэриилээх былаас уорганнарыгар автоматизацияны киллэрэр, ону таһынан хас биирдии үлэһит инфраструктуратын үлэлэтэр. Саҥа тиһик премьер Кирилл Бычков этэринэн, биэдэмистибэлэр икки ардыларыгар хардарыта бииргэ үлэлээһиннэрин тупсарар кыахтаах.
«Саҥа тиһиги киллэрии дааннайдары киэҥник анализтыыры түргэтэтэр уонна онно сөп түбэһиннэрэн, салайар үлэ хаачыстыбатын тупсарарга көмөлөһүөҕэ. Бастатан туран, дааннайдары көрдөрүү бырабыыталыстыба үлэтин өссө дьэҥкэтик көрдөрүө», – диэн Кирилл Бычков бэлиэтээтэ.
Мунньах бэбиэскэтинэн итини сэргэ кырдьаҕастары уонна инбэлииттэри ииттэ ылар дьиэ кэргэттэр усулуобуйаларын тэрийии, үлэтэ суох инбэлииттэри үлэнэн хааччыйар тэрилтэлэргэ субсидия бэриллиитин боппуруостара эмиэ көрүлүннүлэр.
Саха тапталлаах ырыаһыта, ырыа айааччы, СӨ үтүөлээх артыыската Тамара Попова сыанаҕа тахсыа эрэ кэрэх, көрөөччүлэр…
Ньурба куоратыттан төрүттээх Павел Илларионов бастаан утаа, 2023 сыл балаҕан ыйыгар, Донецкай эргин баар тирэх…
Биир аҕа уолугар: “Ити чап-чараас бачыыҥкалаах дьону үтүктүмэ, кинилэр кыһыҥҥы тоһуттар тымныыга атахтарын таҥаһыгар сылаас,…
Аҕа дойду Улуу сэриитин кыттыылааҕа, буойун учуутал А.Е. Макаров суруйан хаалларбыт ахтыыларын кэрэхсээн аахтым. Афанасий…
Бүгүн, сэтинньи 9 күнүгэр, "Россия 24" телеханаалга 19.00 чаастан ГТРК "Саха" бырайыагын — "Вместе с…
Биһиэхэ ааҕааччыларбытыттан ыйытыылар, сүбэлэр-амалар киирэллэр. Күөмэй ыарыытыттан туох туһалыырый? Онуоха маннык сүбэни биэрэллэр. Биир ааҕааччыбыт…