Бу түүн үгүс улуустарынан тоҥоруу түһэрэ сабаҕаланар

Саха сиригэр Горнай, Нам, Хаҥалас, Уус Алдан, Таатта, Чурапчы, Амма, Уус Маайа, Бүлүү, Үөһээ Бүлүү, Ньурба оройуоннарынан уонна киин куоракка, ону кытта чугаһынааҕы бөһүөлэктэринэн салгын температурата  0-2°С кыраадыска диэри тымныйыаҕа.

Бу туһунан Саха сиринээҕи Гидрометеокиин сулууспа үлэһиттэрэ биллэрдилэр.

Маны таһынан синоптиктар өрөспүүбүлүкэ арҕаа улуустарынан ардах түһэрин, Халыма-Индигиир улуустарынан инчэҕэй хаар түһэрин сэрэтэллэр.

Салгын температурата түүн +3+8°С, сорох сиринэн -2°С кыраадыс тымныйар, тоҥоруу түһэрэ сабаҕаланар.