Хаартыска: Мария Васильева, ЯСИА.
Бу сыл бүтэһик үлэ нэдиэлэтэ баара-суоҕа икки күннээх буолуоҕа. Арассыыйа олохтоохторо ахсынньы 29 уонна 30 күннэригэр, ол эбэтэр бэнидиэнньиккэ уонна оптуорунньукка, үлэлиэхтэрэ.
Өрөбүл күннэри көһөрүү түмүгэр ахсынньы 31 күнэ өрөбүл күнүнэн биллэрилиннэ. Онон, кэлэр Саҥа дьыллааҕы бырааһынньыктар уһунунан рекорду олохтуохтара — 12 хонук устата, тохсунньу 11 күнүгэр диэри сынньалаҥ буолуо.
«Сэрэдэ, ахсынньы 31 күнэ — Саҥа дьыл иннинээҕи өрөбүл күн. Саҥа 2026 сыл тохсунньу 1 күнүгэр, чэппиэргэ, икки эрэ күннээх кылгас үлэ нэдиэлэтин кэнниттэн саҕаланыаҕа», — диэн Госдуумаҕа Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин бэрэссэдээтэлэ Ярослав Нилов бэлиэтээтэ. Кини эбэн эппитинэн, өскөтүн хамнас кэлэр күнэ Саҥа дьыллааҕы бырааһынньыктарга түбэһэр буоллаҕына, үлэ биэрээччилэр үлэһиттэригэр ахсынньы ыйдааҕы хамнастарын болдьоҕун иннинэ түһэриэхтээхтэр.
Кэлэр сыл тохсунньутугар өрөбүл (бырааһынньык) күннэрин ахсаана үлэ күннэриттэн элбэх буолуоҕа. Ол да буоллар, сыллааҕы үлэ уонна сынньалаҥ уопсай ахсаана уларыйыыта суох хаалар: 2026 сылга, инники сыллар курдук, Арассыыйаҕа 118 өрөбүл уонна бырааһынньык күнэ, 247 үлэ күнэ буолуоҕа. Онуоха, ыам ыйынааҕы бырааһынньыктар сынньалаҥнара урукку сыллардааҕар кылгас буолуохтара диэн быһаарыллар.
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…