Бу ыйга салгын температура нуорматтан намыһах буолуоҕа

Ахсынньыга Саха сирин илин өттүгэр салгын температурата климатическай нуорматтан үрдүк буолуо, оттон эрэгийиэн атын өттүгэр, төттөрүтүн намыһах буолуо. Бу туһунан ТАСС-ка Арассыыйа Гидрометкиинин научнай салайааччыта Роман Вильфанд иһитиннэрдэ.

Синоптик сабаҕалааһынынан, Саха сирин үгүс өттүгэр ахсынньыга уруккутунааҕар быдан тымныйар.

«Бу биир ыйдаах сабаҕалааһын тымныы ыйдарга биир кэлим сабаҕалааһын быһыытынан тахсыбыт билгэни кытта сөп түбэһиннэриллэрин бэлиэтиэххэ наада», — диэтэ Вильфанд.

Санатан эттэххэ, Саха сиригэр -48С кыраадыстаах бастакы тымныылар түстүлэр. Өрөспүүбүлүкэ сорох улуустарыгар -50…-52С кыраадыстаах тымныылар турдулар. Салгын температуратын түһүүтүн бастакынан хотугулуу-арҕаа уонна арҕаа улуустар олохтоохторо биллилэр.