Бу ыйга уон икки дьиэ үлэҕэ киирэр

Саха сиригэр «Олорор дьиэ уонна куорат эйгэтэ» национальнай бырайыагынан бу ыйга 12 дьиэ үлэҕэ киирэрэ былааннаммыта.

Ол курдук, саҥа дьиэҕэ уопсайа 2619 киһи көһүөхтээх. Нам улууһугар Намҥа үс дьиэ үлэҕэ киирэр. Онон Ленин уул. 39, Минияров уул. 2, Октябрьскай уул. 6 үөрүүлээх бэлиэ күннэр буолуохтара. Маны таһынан, Ньурба куоратыгар Комсомольскай уул. 1 уонна 2 №-гэр саҥа дьиэлэргэ дьон көһүөхтэрэ. Үөһээ Бүлүү улууһун киинигэр Школьнай уул. 5-гэр, Хаҥалас улууһугар Өктөмҥө Е.Андреев, 3/2, Чурапчыга 2-Харбалаҕа Новгородов уул. 12 саҥа дьиэлэр үлэҕэ киириэхтэрэ. Маны таһынан, биирдии дьиэ Сунтаарга Устьеҕа уонна Ленскэй куоракка

Санатан эттэххэ, бырайыак РФ Бэрэсидьиэнэ В.Путин көҕүлээһининэн саҕаламмыта. Саха сиригэр 2019 сылтан хаарбах туруктаах олорор дьиэ пуондатыттан көһөрүү бырагырааматынан 232 элбэх кыбартыыралаах дьиэ тутуллан үлэҕэ киирбит.

#Владимир Путин