Буҕаалтыр дьахтар тутуу хампаанньаттан 82 мөл.солк. тахса харчыны уорбут

СӨ куораттааҕы суутун бириигэбэринэн биир тутуу хампаанньатын экс-кылаабынай буҕаалтыра түөкүннээһиҥҥэ буруйданар.

Дьахтарга уопсай эрэсиимнээх көннөрөр холуонньаҕа 5 сылга болдьоххо көҥүлүн быһарга уураахтаммыт уонна 500 000 солк. ыстарааптаммыт. Ону тэҥэ суут быһаарыытынан 20 752 169 солк. гражданскай ирдэбиллэри төлүөҕэ. Буруйдаах дьахтары суут саалатыттан тутан хаайдылар.

Суут быһаарбытынан, дьахтар «Городская строительная компания» ХЭУо тутуу хампаанньатыгар кылаабынай буҕаалтыр дуоһунаһыгар үлэлээбит. 2017 с. от ыйыттан 2022 с. алтынньыга диэри дьахтар 82 121 418 солк. харчыны уорбут өлөрбүт.

Дьахтар буруйун билиммэтэ. Бириигэбэри иккиһин Үрдүкү суут апелляционнай көрүүтүн түмүгүнэн суут бастакы инстанциятынан ылыммыт бириигэбэрин уларытыыта суох хаалларда. Бу туһунан Үрдүкү суутун пресс-сулууспата суруйар.